У дэкларацыя закладзены меры, якія неабходна прыняць для таго, каб у будучыні магчымая пандэмія не выклікала чалавечых і эканамічных страт, як цяпер.
У дакуменце таксама гаворыцца пра неабходнасць скараціць час, неабходны для распрацоўкі і атрымання ліцэнзіі на вакцыну, лячэнне і дыягностыку любой будучай хваробы, менш чым на сто дзён.
Дадаткова "Вялікая сямёрка" прапануе разбудаваць глабальную сетку эпідэмічнага маніторынгу ды тэхналогію секвеніравання генаў. Як паведамляе ВВС, яшчэ прадугледжана распрацоўка рэформы Сусветнай арганізацыі аховы здароўя.
Паводле дадзеных брытанскага вяшчальніка, дэкларацыя ўтрымлівае рэкамендацыі, якія штодня апісваліся ў дакладах міжнароднымі экспертамі з прамысловай, урадавай і навуковай сфер.
Саміт "Вялікай сямёркі" пачаўся ўчора ў Англіі ў Карбіс-Бэй. У склад групы ўваходзяць Вялікабрытанія, ЗША, Італія, Канада, Германія, Францыя і Японія. На саміт запрошаныя таксама кіраўнікі Еўрапейскай рады ды Еўрапейскай камісіі, Генеральны сакратар Арганізацыі Аб'яднаных Нацый Антоніу Гутэрыш і старшыня СААЗ Тэдрас Гебрэесус.
Паводле дадзеных навукоўцаў з амерыканскага ўніверсітэта Джона Гопкінса, якія сочаць за пандэміяй, ва ўсім свеце вірусам Sars-Cov-2 захварэлі больш за 175 мільёнаў чалавек, з якіх больш за 3,7 мільёна памерлі.
ПР/юл