Увагу СМІ прыцягнулі першая нядзельная перадвыбарчая акцыя публіцыста Эрыка Зэммура (Erica Zemmoura) і перамога прэзідэнта Парыжскага рэгіёна Валеры Пекрэс (Valérie Pécresse) на праймерыз правацэнтрысцкай Рэспубліканскай партыі.
Каментатары падкрэсліваюць, што кандыдаты ад правых і нацыяналісты пераўзыходзяць адзін аднаго ў радыкальных прапановах.
«Францыя на поўнай хуткасці паварочвае направа», – заявіў у рэдакцыйным артыкуле Жэром Бегле (Jérôme Béglé), галоўны рэдактар Le Point. «Здаецца, усё сведчыць аб тым, што погляды, якія дзесяць гадоў таму лічыліся ўльтраправымі, сёння прымальныя», – адзначыў рэдактар Le Point, маючы на ўвазе перадвыбарчую праграму Эрыка Зэммура. Публіцыст абяцае дэпартаваць нелегальных мігрантаў і змагацца з так званай «ісламскай левіцай» і ідэалогіяй ЛГБТ.
Французскія СМІ пішуць, што першая перадвыбарчая акцыя Зэммура, у якой прынялі ўдзел каля 15 000 чалавек, стала «дэманстрацыяй сілы».
«Le Figaro» піша пра «адраджэнне» правых пасля перамогі Валеры Пекрэс на правацэнтрысцкіх праймерыз. Галоўны рэдактар газеты заявіў, што кандыдат можа перамагчы на прэзідэнцкіх выбарах, калі будзе адстойваць правыя каштоўнасці.
Аднак апошнія апытанні паказваюць, што сярод правых кандыдатаў найбольшыя шанцы на выхад у другі тур па-ранейшаму мае лідар нацыяналістаў Марын Ле Пэн. У фінале яна сустрэнецца з дзейным прэзідэнтам Эмануэлем Макронам.
IAR / вх