З 27 студзеня ў Польшчы можна будзе зрабіць бясплатны тэст на наяўнасць каранавіруса ў аптэках. Намеснік міністра аховы здароўя Вальдэмар Краска паясніў, што гаворка ідзе пра экспрэс-тэсты на антыген SARS-CoV-2, вынік якіх павінны быць вядомыя пасля некалькі хвілін.
«У гэтым выпадку патрабаванні да аптэк такія ж, як і ў выпадку аптэк, у якіх можна прывіцца супраць COVID-19. Гаворка ідзе пра тое, каб вынікі тэстаў фіксаваліся і былі даступныя ў інтэрнэце», – адзначыў віцэ-міністр.
Вальдэмар Краска таксама дадаў, што за рост інфекцый у Польшчы адказвае амікрон-штам каранавіруса, які пачынае выцясняць варыянт Дэльта. Ён адзначыў, што зараз сітуацыя ў шпіталях стабільная, але «трэба мець на ўвазе, што пік захворванняў, які верагодна адбудзецца праз больш за дзесяць дзён, паўплывае на рост колькасці людзей, якіх давядзецца шпіталізаваць».
У сваю чаргу Галоўны санітарны інспектар Польшчы Кшыштаф Сачка прызнаў у эфіры TVP Info, што не ўсе аптэкі ў Польшчы будуць адпавядаць крытэрам для ўвядзення бясплатнага тэставання на наяўнасць каранавіруса.
IAR/аз