Прэзідэнт Украіны Уладзімір Зяленскі звярнуўся да ўкраінцаў з нагоды Дня перамогі над нацызмам у Другой сусветнай вайне. Палітык назваў сённяшняга ворага Украіны «сумессю арды і нацызму»:
-Таму што хтосьці ваюе за бацюшку цара, фюрэра, партыю і правадыра, а мы – за Радзіму. Мы ніколі не ваявалі супраць кагосьці. Мы заўсёды ваюем за сябе. За сваю свабоду. За сваю незалежнасць. Каб перамога нашых продкаў была нездарма. Яны змагаліся за свабоду для нас і атрымалі перамогу. Мы змагаемся за сваю свабоду, за свабоду для сваіх дзяцей, а значыць, пераможам. Мы ніколі не забудзем тое, што зрабілі нашы продкі ў Другой сусветнай вайне. Дзе загінула больш за восем мільёнаў украінцаў. І дадому не вярнуўся кожны пяты ўкраінец. А ў цэлым вайна забрала не менш за 50 мільёнаў чалавечых жыццяў. Мы не кажам «можам паўтарыць». Таму што хацець паўтарыць 2194 дня вайны можа толькі вар'ят. Той, хто ўжо паўтарае сёння жудасныя злачынствы гітлераўскага рэжыму, пераймае нацысцкай філасофіі, капіюе ўсё, што рабілі яны. Ён асуджаны. Бо быў пракляты мільёнамі продкаў, калі пачаў пераймаць іх забойцу. А таму страціць усё. І зусім хутка ў Украіне будзе два дня Перамогі. А ў кагосць не застанецца ні воднага. Перамаглі тады, пераможам і цяпер!
«І Хрышчацік убачыць парад Перамогі – перамогі Украіны! З Днём Перамогі над нацызмам! Слава Украіне!», – такімі словамі Уладзімір Зяленскі завяршыў сваю прамову зробленую з кіеўскага Хрышчаціка.
эж