Польскія «Крабы» ва Украіне гатовыя да бою з рускімі акупантамі

Запасы снарадаў адпаведнага калібру ўжо на 10% перавышаюць запасы снарадаў буйных калібраў савецкага тыпу, якія былі ва Украіне станам на 24 лютага.

Samobieżna haubica Krab przekazana na wyposażenie Sił Zbrojnych RP

materiały prasowe HSW

Польскія самаходныя гаўбіцы «Краб» калібру 155 мм гатовыя да выкарыстання Узброенымі сіламі Украіны на фронце, як і шэраг іншага ўзбраення, атрыманага ад партнёраў, паведамі міністр абароны Украіны Аляксей Рэзнікаў:

-Рады паведаміць, што да выканання баявых задач на фронце гатовыя польскія САУ «Краб». Пасля гармат М777 і FH70, САУ Ceasar і М109А3-гэта пяты від артылерыі 155-мм калібру, які нам удалося прыцягнуць.

Рэзнікаў удакладніў, што Міністэрства абароны ўжо забяспечыла пастаўкі ва Узброеныя Сілы Украіны больш за 150 артылерыйскіх платформаў 155-мм калібру.

Паводле міністра, запасы снарадаў гэтага калібру ўжо на 10% перавышаюць запасы снарадаў буйных калібраў савецкага тыпу, якія былі ва Украіне станам на 24 лютага 2022 года. Пры гэтым эфектыўнасць гэтых снарадаў вышэй, чым савецкіх узораў, таму ў іх меншы расход.

pravda.com.ua/эж