З базы ў Расіі на вучэнні адбыла атамная падлодка «Белгарад» з ядзернымі супертарпедамі «Пасейдон», – паведаміла La Repubblica.
Па інфармацыі выдання, пра гэта стала вядома разведцы НАТА. Падводная атамная лодка аснашчаная тарпедай «Пасейдон» з ядзернай боегалоўкай. Яна здольная выклікаць 500-метровыя радыеактыўныя цунамі, якія могуць знішчыць такія гарады, як Нью-Ёрк або Лос-Анджэлес.
Выданне піша, што на борце падлодкі «Белгарад» знаходзіцца да 8 такіх ракет. НАТА накіравала саюзным камандаванням разведдаведку, аднак верагоднасць выкарыстання такой зброі вельмі малая.
УНІАН/нг