Генштаб УСУ паведамляе, што расійскія войскі працягваюць весці ракетна-артылерыйскі абстрэл населеных пунктаў грамадзянскага насельніцтва на ўкраінскім баку фронту. Прэс-сакратар Генштаба Аляксандр Штупун заявіў, што крамлёўская прапаганда спрабуе абвінаваціць у іх украінскія ўзброеныя сілы:
- Праціўнік нанёс чатыры ракетныя ўдары па грамадзянскіх аб'ектах у населеных пунктах Разумаўка Запарожскай вобласці і Мусееўка Днепрапятроўскай вобласці. Больш за 50 разоў адкрываў агонь з сістэм РСЗА па пазіцыях украінскай арміі і населеных пунктах. Працягваецца пагроза абстрэлу крытычнай інфраструктуры з боку Расіі.
Акрамя таго, акупанты распаўсюджваюць дэзынфармацыю, што ўкраінскія вайскоўцы масава затрымліваюць і абвінавачваюць у супрацоўніцтве з ворагам жыхароў вызваленых тэрыторыяў. Расійская прапаганда сцвярджае, што мэта затрыманняў – абмен на ўкраінскіх палонных.
Паводле інфармацыі Генштаба Узброеных сіл Украіны, у бліжэйшыя дні можна чакаць перакідкі часткі расійскіх падраздзяленняў з Беларусі на ўкраінскі фронт. Гэта з мэтай кампенсацыі стратаў, панесеныя расіянамі ва Украіне.
IAR /аз