Украінскія вайскоўцы называюць Данбас найбольш верагодным месцам актывізацыі расійскага наступу.
За мінулыя суткі ўкраінская армія адбіла расійскі штурм на 13 участках фронту, у асноўным у Данецкай і Луганскай абласцях. Усё часцей украінскі бок гаворыць аб падрыхтоўцы Расіяй маштабнага ўдару.
Вайсковы эксперт Міхаіл Самусь у эфіры тэлеканалу «1+1» заявіў, што ў расіян няма рэсурсаў для ўдару з поўдня ці поўначы, таму яны будуць узмацняць наступ на ўсходзе.
Галоўная мэта расійскіх войск — да 24 лютага далажыць Пуціну аб поўнай акупацыі Данецкай і Луганскай абласцей. Гэта звязана з тым, што Пуцін планіруе свой выступ на гадавіну пачатку вайны, у якім яму трэба будзе пахваліцца перамогамі.
Украінскі Генштаб паведаміў, што за мінулыя суткі, расіяне страцілі 850 жаўнераў. Агулам расійскія страты ў асабовым складзе з пачатку вайны сягаюць 127 тысяч 500 чалавек, заяўляе ўкраінскі бок.
ПР/юл