Кіраўнік Харкаўскай вайсковай адміністрацыі Алег Сінегубаў заявіў, што расійскія акупанты наўмысна абстрэльваюць цывільныя мэдыцынскія ўстановы. Расіяне вызначаюць каардынаты мэдыцынскіх установаў і абстрэльваюць іх з мэтай паранення і гібелі мірных жыхароў.
Паводле пацверджанай інфармацыі, ракетны абстрэл у ноч на 29 студзеня быў нанесены па адной з бальніцаў Харкава, але расійскія ракеты трапілі ў жылы дом у тым жа раёне, паведаміў Алег Сінегубаў:
- У цяперашні час мы разглядаем магчымасць перадыслакацыі некаторых мясцовых бальніц, паколькі паводле нашай інфармацыі, яны сталі мішэнню праціўніка. Шпіталі выключна грамадзянскія, без вайсковага персаналу. Апошні ўдар у Харкаве, калі расійская ракета знішчыла чатырохпавярховы дом і забіла жанчыну, насамрэч быў накіраваны на грамадзянскі шпіталь у гэтым раёне.
Алег Сінегубаў адзначыў, што сітуацыя ў Купянску, Ваўчанску і Дворычным, якія знаходзяцца ў непасрэднай блізкасці ад мяжы з Расіяй, пагаршаецца. Расійская армія штодня наносіць кропкавыя ўдары па медыцынскай інфраструктуры ў гэтых гарадах. Па словах кіраўніка Харкаўскай ваеннай адміністрацыі уводзяцца шэраг мер бяспекі, але аказанне медыцынскіх паслуг у рэгіёне спыняцца не будзе.
IAR/аз