У РФ была створаная сетка з 43 лагераў, у якіх незаконна ўтрымліваюцца ўкраінскія дзеці. Як паведаміў старшыня ўкраінскага аддзялення Хельсінскага саюза па правах чалавека Яўген Захараў, паводле звестак дзяржаўнай інтэрнэт-платформы «Дзеці вайны», у Расійскую Федэрацыю, у акупаваны Крым і Беларусь былі дэпартаваныя 19 тысяч украінскіх дзяцей. Большасць з іх трапілі ў так званыя дзіцячыя калоніі, а іншыя – у расійскія інтэрнаты.
Яўген Захараў адзначыў, што дзеці, якія знаходзяцца ў такіх лагерах, падвяргаюцца гэтак званаму перавыхаванню, то бок іх вучаць лаяльнасці да расійскай улады:
- Што датычыцца месцаў знаходжання нашых дзяцей у Расійскай Федэрацыі: існуе сістэма з 43 дзіцячых лагераў, дзе знаходзяцца дзеці, і ў 32 дзеці перавыхоўваюцца ў спецыяльных класах. Гэта і вывучэнне рускай версіі гісторыі, культуры і грамадства. Яны таксама праходзяць ваенную падрыхтоўку.
Выканаўчы дырэктар фонду «Save Ukraine» Мікалай Кулеба паведаміў, што дзеці, якім удалося вярнуцца ва Украіну, паведамляюць, што іх, між іншым, запалохвалі рэпрэсіямі і прымушалі адказваць на пытанні з дапамогай дэтэктара хлусні.
IAR/аз