Журналістка Беларускай службы Польскага радыё для замежжа выступала як прадстаўніца Беларускай асацыяцыі журналістаў. Дыскусія на тэму «Свабода меркаванняў і іх свабоднае выказванне ў Беларусі пад пытаннем» была арганізаваная ў рамках 53-й сесіі Савета ААН па правах чалавека.
У сваім выступе Вольга Хвоін адзначыла, што перад журналісцкай супольнасцю цяпер ёсць важнейшыя мэты: вызваленне калег-палітзняволеных з турмаў, а захаванне медыя, прафесійных кадраў у медыясферы.
Пра сітуацыю ў Беларусі таксама распавядалі прадстаўніца Atlantic Council Ганна Любакова, прадстаўніца Аб’яднанага пераходнага кабінета Аліна Коўшык.
На гэтай сесіі Спецыяльны дакладчык ААН па Беларусі Анаіс Марын прадставіла свой даклад па тэме з аглядам падзей, выклікаў і магчымасцяў для свабоды меркаванняў і іх выказвання, а таксама зрабіла акцэнт на пагаршэнні сітуацыі з правамі чалавека ў Беларусі.
Мэта мерапрыемства – інфармаванне міжнароднай супольнасці пра апошнія падзеі, звязаныя з абмежаваннем свабоды меркаванняў і іх выказвання ў Беларусі.
Арганізатарамі выступілі пастаянныя прадстаўніцтвы Польшчы, Літвы, ФРГ і Японіі пры ААН.
эж