Падчас жывой трансляцыі суразмоўцы абмяркоўвалі перспэктывы беларуска-ўкраінскіх дачыненняў, сітуацыю ў Беларусі і прававыя праблемы беларусаў ва Украіне.
Паводле Падаляка, сур'ёзна да Лукашэнкі ва Украіне ніхто не ставіцца на ніводным з узроўняў улады. «Мы не бачым у яго перспектыў з пункту гледжання палітыка, які нешта можа прапанаваць Беларусі. Ён трымае Беларусь у закладніках – гэта несумненна, асабліва пасля 2020 году», – сказаў Падаляк.
Ён нагадаў, што прэзідэнт Зяленскі наўпрост кажа аб тым, што пасля падзення расейскага рэжыму ў Беларусі пачнецца эпоха палітычнай трансфармацыі.
Міхаіл Падаляк адзначыў, што неўрэгуляваныя прававыя пытанні беларусаў ва Украіне, у тым ліку палка Каліноўскага, добраахвотнікаў і валанцёраў, немагчыма вырашыць цяпер у поўным абʼёме. Але «шукаюцца сістэмныя рашэнні» і будзе арганізавана нефармальная група, якая будзе рэагаваць пры ўзнікненні крызісаў.
Дэлегацыя беларускіх дэмсілаў сустракалася з Падаляком у Кіеве сёлета ў жніўні.
svaboda.org / вх