Генштаб Узброеных сіл Украіны паведаміў, што за мінулыя суткі сродкі СПА збілі 31 баявы беспілотнік, запушчаны расіянамі ў бок украінскіх гарадоў. Восем беспілотнікаў збіць не ўдалося.
Апроч таго, расійскія войскі нанеслі два ракетныя ўдары, 57 авіяўдараў і больш за 50 артылерыйскіх удараў як па пазіцыях украінскай арміі, так і па гарадах Украіны. У выніку гэтых нападаў былі разбураны прыватныя жылыя дамы, грамадзянскі шпіталь, два будынкі прыватных кампаній і элементы крытычнай інфраструктуры. Ёсць параненыя і загінулыя.
Украінскія войскі працягваюць весці абарончыя дзеянні на ўсходзе і поўдні Украіны і наступальныя дзеянні на Мелітопаль і Бахмут, паступова вызваляючы акупаваныя тэрыторыі. За апошнія суткі на фронце адбылося 26 прамых сутыкненняў украінскіх і расійскіх войск.
У сваю чаргу ўкраінская авіяцыя здзейсніла 7 налётаў на групоўкі праціўніка, знішчыўшы боепрыпасы і тэхніку. Таксама былі збітыя два расійскія баявыя беспілотнікі.
ПР/юл