У г.зв. «дзень народнага адзінства» 17 верасня Вярхоўны суд Рэспублікі Беларусь па ініцыятыве Міністэрства юстыцыі ліквідаваў «Таварыства беларускай школы». У незалежнай Беларусі арганізацыя працавала на аснове легальнага статусу апошнія чвэрць стагоддзя, а яе карані сягаюць часоў ІІ Рэчы Паспалітай і, па сутнасці, сёлета магла б яна адзначаць свой 100-гадовы юбілей.
Пра судовае рашэнне і далейшыя планы з намеснікам старшыні ТБШ Тамарай Мацкевіч размаўляе Яраслаў Іванюк.