Эмігрант: У Варшаве настолькі насычанае беларуcкае жыццё, што я не адчуваю патрэбы выходзіць за яго межы

Ці гэта не перашкаджае нармальна функцыянаваць у польскім грамадстве, слухайце ў далучаным гукавым файле.

“Беларускі Спас 2022 у Варшаве” (ілюстрацыя)

Крыніца: https://www.facebook.com/BelaruskiDom

Сярод беларускіх эмігрантаў і ўцекачоў назіраецца цікавая з'ява. Нярэдка беларусы ў Польшчы, добра валодаючы польскай мовай, працуючы ў польскіх фірмах, не атачаюць сябе польскім колам сяброў і знаёмых. Для гэтага ёсць як абʼектыўныя так і субʼектыўныя прычыны.

Суразмоўца Беларускай службы Польскага радыё для замежжа Антось Л. значную частку свайго маладога жыцця пражыў у Польшчы, адначасова маладзён не можа назваць гэту краіну сваёй другой Бацькаўшчынай. Варта адзначыць, што Антось мае выключна пазітыўнае стаўленне да краіны і яе жыхароў, якое вынікае з дзесяцігадовага вопыту вучобу і працы ў Польшчы:

- Не магу сказаць, што я «інтэграваны» у польскае грамадства, але вядома, што польская павестка даходзіць таксама да мяне. Але беларускае жыццё на столькі насычаная зараз у Варшаве, агулам у Польшчы, што я без праблем вакол сябе стварыў кола сяброў і знаёмых.

Агромністая колькасць беларускіх імпрэзаў дазваляе таксама задаволіць культурныя патрэбы, адпаведна мне ўсяго гэтага хапае для «жыцця па-беларуску» у Польшчы.

А пра тое, ці Алесю гэта не перашкаджае нармальна функцыянаваць у польскім грамадстве, слухайце ў далучаным гукавым файле!

эж