- Мы выраўніваем узровень развіцця і магчымасці Усходняй Польшчы, мы выдаляем месцы, якія заблакавалі развіццё гэтай часткі краіны, – заявіў сёння віцэ-прэм'ер Яцэк Сасін у Янаве Любельскім падчас сімвалічнага пачатку будаўніцтва наступнага ўчастка еўрапейскай трасы «Поўнач-Поўдзень» Via Carpatia, якая павінна спалучыць Клайпеду ў Літве і Салонікі ў Грэцыі.
Віцэ-прэмʼер адзначыў, што ўзнікаючая траса Via Carpatia вельмі важная для Усходняй Польшчы, а таксама для Еўропы, паколькі яна злучыць краіны Балтыі праз Польшчу, Славакію, Румынію, Балгарыю і Грэцыю.
Гэтая траса, паводле слоў палітыка, стане вялікім імпульсам для развіцця рэгіёнаў Усходняй Польшчы: Падляшша, Любліншчыны і Падкарпацця.
Чарговыя два з 12 участкаў трасы Via Carpatia ў Польшчы, агульнай даўжынёй 15 кіламетраў, павінны быць завершаны ў 2021 годзе.
яс