Генеральны сакратар ААН выказаў надзею, што ўчорашняе пагадненне паміж Ізраілем і Аб'яднанымі Арабскімі Эміратамі дапаможа вырашыць палестынскую праблему шляхам стварэння незалежнай Палестыны.
Ізраіль і Аб'яднаныя Арабскія Эміраты дамовіліся ўстанавіць дыпламатычныя адносіны. Гэта вынік перамоў, у якіх прыняў удзел таксама прэзідэнт ЗША Дональд Трамп.
Прэс-сакратар Генеральнага сакратара ААН заявіў, што Антоніа Гутэрыш вітае пагадненне і спадзяецца, што гэта дасць ізраільскім і палестынскім лідарам магчымасць ізноў узяць удзел у перамовах, што прывядзе да ўзнікнення дзвюх дзяржаў - ізраільскай і палестынскай - у адпаведнасці з рэзалюцыямі ААН.
Прэс-сакратар падкрэсліў, што магчымая анексія Ізраілем палестынскіх тэрыторый „зачыніць дзверы” для перамоў паміж палестынскімі і ізраільскімі лідарамі.
Прэзідэнт ЗША Дональд Трамп заявіў, што афіцыйнае падпісанне пагаднення Ізраіля з Аб'яднанымі Арабскімі Эміратамі адбудзецца на працягу трох тыдняў у Белым доме.
аз