Новыя брыгады Войскаў тэрытарыяльнай абароны (поль.WOT) ствараюцца ў Люблінскім, Падкарпацкім і Мазавецкім ваяводствах.
Мінабароны Польшчы вызначыла мэту- стварыць не менш за 300-тысячнае войска, у тым ліку 50 тыс. салдат Войскаў тэрабароны.
«Цяпер у нас 64 тысячы жаўнераў розных фармаванняў» – заявіў у Любліне кіраўнік Міністэрства нацыянальнай абароны Марыюш Блашчак.
Міністр Блашчак прыняў удзел у цырымоніі прысягі жаўнераў 2-й Люблінскай брыгады тэрытарыяльнай абароны, якія з'яўляюцца ўдзельнікамі праекту «Зімовыя канікулы з WOT».
Палітык падзякаваў людзям, якія вырашылі далучыцца да WOT, і падкрэсліў, што ў фармаванне прыходзяць прадстаўнікі розных прафесій.
«Я вельмі заахвочваю тых, хто яшчэ абдумвае свой жыццёвы шлях, выбраць службу ў Войску Польскім», — заклікаў ён.
Кіраўнік мінабароны паведаміў, што ў гэтым годзе чакае 25 тыс. месцаў для добраахвотнікаў на тэрміновую ваенную службу.
У мінулым годзе ў польскую армію паступіла рэкордная колькасць чалавек — амаль 14 тысяч прафесійных вайскоўцаў.
«Гэта рэкорд з моманту адмены прызыву ў Польшчы», — адзначыў Блашчак.
PAP/яс