14 жніўня Аркестр Польскага радыё выступіць на 53-м фестывалі імя Яна Кепуры ў Крыніцы-Здруй на поўдні Польшчы.
„З нагоды Года Станіслава Манюшкі, музыкі сыграюць творы выдатнага польскага кампазітара”, - паведаміў дырэктар аркестра Кшыштаф Кур (Krzysztof Kur).
„Мы прэзентуем багатую праграму, якая складаецца выключна з твораў Станіслава Манюшкі. Гаворка ідзе пра найбольш вядомыя арыі, фрагменты операў, такіх, як „Галька”, „Страшны двор”, „Вербум нобіле”, „Графіня””.
Дырэктар Аркестра Польскага радыё падкрэсліў, што фестываль імя Яна Кепуры – гэта важная падзея ў летнім музычным календары ў Польшчы.
„Гэта ідэальны час – можна адпачыць і адначасова паслухаць канцэрт у прыгожых абставінах гораду й навакольнай прыроды. Гэта адзін з летніх фестываляў, на які варта прыехаць і на які прыязджаюць людзі не толькі з Польшчы, але і ўсяго свету”.
Фестываль імя Яна Кепуры - адзін з найстарэйшых у Польшчы. У праграме фестывалю, які будзе доўжыцца да 17 жніўня, оперы і аперэты, спектаклі на свежым паветры, камерныя канцэрты і сустрэчы з артыстамі.
аз