Фестываль беларускай інтэлектуальнай кнігі «Прадмова» існуе з 2018 года. Пачынаўся ў Мінску і праходзіў у сталіцы цягам некалькіх дзён, але ўжо годам пазней арганізатары вырашылі паехаць у рэгіёны. Такім чынам мерапрыемства наведала амаль усе абласныя цэнтры, а таксама Полацк і Бабруйск.
Галоўная мэта, якую ставілі арганізатары, гэта папулярызацыя беларускай кніжнай культуры і павышэнне яе ўзроўню. Паводле аднаго з арганізатараў фестывалю Паўла Баркоўскага, яны хацелі прыцягнуць увагу не толькі да мастацкіх кніг, але і да навуковых і навукова-папулярных выданняў з галіны гісторыі, філасофіі і паліталогіі.
У мінулым годзе фестываль не адбыўся. Сёлета арганізацыйны камітэт вырашыў ладзіць «Прадмову» па-за межамі Беларусі: у Тбілісі, Кракаве, Варшаве і Вільні.
Галоўная тэма сёлетняга фестывалю – гэта тэма дому, гаворыць Павел Баркоўскі. З ім размаўляе Яраслаў Іванюк.
слухайце аўдыёфайл