Вірус можа дапамагчы зарабіць. Для некаторых гэта сапраўдны бум – піша выданне Rzeczpospolita. Хоць вірус ужо паралізаваў у Польшчы 30% фірм, а ў сектарах, якія адчуваюць найбольшыя наступствы крызісу, працуе 4,2 млн чалавек, то некаторыя прадпрыемствы і галіны спраўляюцца выдатна.
Кур'ерскія кампаніі належаць да тых, каму эпідэмія дапамагла павялічыць абарот. Але гэта галіна, працаўнікі якой знаходзяцца пад асаблівай пагрозай заражэння. Сапраўдны бум эпідэмія прынесла вытворцам сродкаў асабістай абароны.
Пра рост попыту інфармуюць мясныя і малочныя фірмы, пякарні і вытворцы гатовых страў, а фабрыкі па вытворчасці макарон і сухіх прадуктаў збіраюць сапраўдны ўраджай.
Расце электронны гандаль, які яшчэ больш раскруціў кур’ерскія кампаніі. Рост такіх паслуг складае каля 20%.
На здзіўленне добра, нягледзячы на слабыя бакі і абмежаванні ў часе эпідэміі, спраўляецца прамысловасць зброі. Цалкам нядрэнна функцыянуе будаўнічая галіна, якая выпрацоўвае амаль 1/10 польскага ВУП.
Да ліку фірм адносна бяспечных залічваюцца аператары сувязі і платныя тэлевізіі. Без іх паслуг – інтэрнэту і тэлевізіі – цяжка сабе ўявіць функцыянаванне ў нармальныя часы, не ўспамінаючы пра эпідэмію.
ав