Святлана Ціханоўская ў адмысловым відэазвароце адзначыла, што зараз нацыянальныя інтарэсы беларусаў і ўкраінцаў супадаюць у жаданні спыніць расійскую акупацыю абедзвюх краінаў, а беларусам узамен за актыўную падтрымку ўкраінскай арміі і народа Украіны не патрэбна нічога, акрамя ўзаемнай павагі:
-Расійскія ракеты зноў ляцяць з тэрыторыі Беларусі ва Украіну. І беларусы, як і ўкраінцы, разумеюць, якія два дыктатары стаяць за гэтым. Але гэта не азначае, што мы не адчуваем асабісты боль за Кіеў, Харкаў і Крамянчуг…
Нашыя народы зараз падтрымліваюць адно аднаго, і задача палітыкаў – дапамагчы ім у гэтым. Не раз’яднацца тады, калі гэта дапаможа толькі ворагу. Беларусы зробяць усё магчымае, каб дапамагчы Украіне. Нам не патрэбна нічога наўзамен, акрамя павагі да нашага шляху. Павагі да нашага досведу і нашага права быць самімі сабой – беларусамі. (...)
Напрыканцы Святлана Ціханоўская адзначыла пра выключную блізкасць двух народаў і, каб падкрэсліць гэта, нават параіла Зяленскаму:
-Калі ў наступны раз вы будзеце звяртацца да беларусаў, вы можаце не пераходзіць з украінскай мовы на расейскую. (...)
эж