Ацэньваючы ўсе гэтыя выпадкі крымінальнага пераследу, праваабаронцы прыйшлі да высновы аб існаванні ў кожным з іх палітычнага матыву пераследу абвінавачаных. Судовыя рашэнні прынятыя па палітычных матывах у парушэнне асноватворных прынцыпаў справядлівага правасуддзя.
Праваабаронцам вядома пра асуджэнні:
Юрыя Станеўскага паводле ч. 1 арт. 368 – абраза А. Лукашэнкі, арт. 370 – здзек над дзяржаўнымі сімваламі, ч. 2 арт. 366 – пагроза гвалтам у дачыненні да службовай асобы, якая выконвае службовыя абавязкі, арт. 369 – абраза прадстаўніка ўлады, ч. 1 арт. 130– распальванне іншай сацыяльнай варожасці, ч. 1 арт. 366 – пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак– да сямі гадоў пазбаўлення волі ў папраўчай калоніі за каментары ў «дэструктыўным» тэлеграм-чаце ў бок А. Лукашэнкі, прадстаўнікоў улады, расійскіх вайскоўцаў;
Валерыя Зізы, які мае інваліднасць першай групы, паводле арт. 130 КК за распальванне сацыяльнай варожасці ў каментарах і ч. 1 арт. 209 КК – да пазбаўлення волі на тэрмін адзін год у выпраўленчай калоніі; асуджэнне па ч. 1 арт. 209 не перашкаджае прызнанню палітвязнем, паколькі ў адсутнасць палітычнага матыву такія дзеянні караюцца, як правіла, без пазбаўлення волі;
Аляксандра Каўпака па ч. 1 арт. 130 ч. 1 арт. 342 КК – да пазбаўлення волі тэрмінам на 4 гады ў папраўчай калоніі за негатыўныя каментары ў адрас супрацоўнікаў АУС і прадстаўнікоў улады, заклікі да правядзення акцый пратэсту шляхам запаволення руху, перакрыцця дарог, сабатавання выхаду на працу, а таксама да супраціву разгону акцый пратэсту;
Валерыя Барзенка па ч. 3 арт. 130 ч. 2 арт. 295 КК – да сямі гадоў пазбаўлення волі ў папраўчай калоніі за перадачу ў телеграм-боты «дэструктыўных каналаў» звесткі аб сваім былым начальніку, а таксама за захоўванне патронаў да агнястрэльнай зброі; апошняе абвінавачванне не перашкаджае прызнанню палітвязнем, паколькі ў адсутнасць палітычнага матыву такія дзеі звычайна караюцца без пазбаўлення волі;
Міхаіла Корзуна па ч. 1 арт. 130 КК – да чатырох гадоў пазбаўлення волі ў папраўчай калоніі за распальванне «сацыяльнай варожасці» ў каментарах у сетцы Інтэрнэт, якія прадстаўлялі з сябе выказванне меркавання аб бягучых падзеях; 130 КК да трох гадоў пазбаўлення волі за размяшчэнне ў сетцы Інтэрнэт спасылак на навіны аб расійскай ваеннай агрэсіі супраць Украіны, якія змяшчаюць каментары, якія маюць абразлівы характар, у адрас расійскіх войскаў, ваенных і паліцэйскіх;
Андрэя Сачэўку, які мае псіхічную хваробу, па ч. 1 арт. 130 ч. 1 арт. 293 КК – да шасці гадоў пазбаўлення волі ў папраўчай калоніі за размяшчэнне ў сетцы інтэрнэт каментароў з заклікамі да ўдзелу ў пратэстных акцыях.
Эдварда Вільчэўскага па ч. 1 арт. 130, ст. 369, ч. 1 арт. 293, ч. 1 арт. 13 і ч. 2 арт. 293, арт. 364 КК – да дзевяці гадоў пазбаўлення волі ў папраўчай калоніі за публікацыю каментароў у сеткі інтэрнэт з заклікамі аказваць супраціў разгонаў пратэстных акцый, абразу прадстаўнікоў улады, арганізацыю масавых беспарадкаў і падрыхтоўка да масавых беспарадкаў.
ав/Вясна