Міністр марской гаспадаркі і рачнога суднаходства Польшчы Марэк Грубарчык заявіў на хвалях Польскага радыё, што пабудова суднаходнага канала на Віслінскай касе ажыццяўляецца ў адпаведнасці з планам. Міністр дадаў, што інвестыцыю рэалізуюць паводле нормаў абароны навакольнага асяроддзя. Марэк Грубарчык падкрэсліў, што працы знаходзяцца на этапе рыцця катлаванаў пад шлюзы:
-Завершана ўстаноўка апораў пад дарожна-маставую сістэму, а таксама пачата будаўніцтва хвалярэзаў з боку Гданьскага і Віслінскага заліваў.
Праект суднаходнага канала праз Віслінскую касу павінен пазбавіць Польшчу ад залежнасці да Расіі. Канал скароціць і спросціць марскі шлях да Балтыйскага мора. Дзякуючы дадзенай інвестыцыі цяперашні маршрут праз Балтыйскі праліў (праз Расію) да Балтыйскага мора будзе скарочаны прыкладна на 100 км.
IAR/эж