У велікодны панядзелак у «акне жыцця» манашак у Лодзі жанчына пакінула свайго маленькага сына. Цяпер яна хоча вярнуць дзіця.
Карытас Лодзінскай архідыяцэзіі паведаміў пра тое, што хтосьці пакінуў дзіця ў «акне жыцця». Сёстры знайшлі хлопчыка, якому было каля пяці месяцаў, назвалі яго Антон. Ён быў добра апрануты, усміхаўся і балбатаў. У адпаведнасці з працэдурай, быў складзены паліцэйскі пратакол здарэння.Потым дзіця было дастаўлена ў бальніцу, дзе яго абследавалі. Маленькі Антось павінен быў чакаць усынаўлення ў прыёмнай сям'і.
Праз некалькі дзён жанчына прыйшла ў цэнтр усынаўлення архідыяцэзіі ў Лодзі, заявіўшы, што яна – маці хлопчыка і хоча, каб яго вярнулі. Там была праверана яе асоба. На наступны дзень у цэнтры была сустрэча і гутарка з маці.
На дадзены момант хлопчык уладкаваны ў прыёмную сямʼю, яго лёс вырашаць суд.
ПАД/нг