Дарадца прэзідэнта Павел Муха заявіў, што падчас гутаркі з Анджэем Дудам прэзідэнт ЗША Джо Байдэнам казаў пра бяспеку Польшчы і ўсходняга флангу NATА, якую гарантуюць усе саюзныя дзяржавы альянсу. Байдэн і Дуда размаўлялі падчас нядаўняга саміту Паўночнаатлантычнага альянсу ў Бруселі, на якім абмяркоўваліся пагрозы сусветнай бяспецы.
Павел Муха, выступаючы ў эфіры Польскім радыё, падкрэсліў важнасць членства ў НАТА – найбуйнейшым абаронным саюзе ў свеце.
- З аднаго боку, мы прадпрымаем дзеянні па мадэрнізацыі польскай арміі, але з іншага боку, нашы саюзнікі пацвярджаюць свае абавязанні. Падчас гутаркі пра гэта таксама ішла гаворка, было адзначана, што ЗША бачаць у Польшчы вядучага партнёра на ўсходнім флангу НАТА, вельмі лаяльнага партнёра, які выконвае ўсе свае абяцанні.
Дарадчык прэзідэнта Павел Муха дадаў, што ўчарашняя гутарка міністра замежных спраў Польшчы Збігнева Рауа з амерыканскім дзяржсакратаром Энтані Блінкенам пацвердзіла дэкларацыі аб бяспецы Польшчы з боку ЗША. Польскі бок пачуў, што амерыканская адміністрацыя не намерана адмаўляцца ад сваіх абавязанняў у дачыненні НАТА і саюзнікаў.
iar/нг