Публічная і культурная дыпламатыя – гэта адна з ключавых задач Міністэрства замежных спраў Польшчы, таму польскія дыпламатычныя ўстановы з самага пачатку папулярызуюць XVIII Міжнародны конкурс піяністаў імя Фрыдэрыка Шапэна, які праходзіць у Варшаве. Польскія дыпламаты заахвочваюць глядзець трансляцыі конкурсу, а таксама далучыцца да фінальнага канцэрту.
Намеснік міністра замежных спраў Польшчы Шымон Шынкоўскі вэль Сэнк запісаў адмысловае відэа, на якім выконвае на піяніна «Вальс-хвілінку» (напісаны ў танальнасці рэ-бемоль мажор):
-Часта можна пачуць, што дыпламатыя – гэта мастацтва гульні на многіх інструментах. Так як у аркестры, кожны дыпламат мае сваю партыю, якую павінен выканаць. Заклікаю сачыць за дзейнасцю польскай дыпламатыі, але ў гэты выключны час атрымліваць асалоду ад музыкі Фрыдэрыка Шапэна і глядзець XVIII Міжнародны конкурс піяністаў імя Фрыдэрыка Шапэна.
У відэароліку Шымон Шынкоўскі вель Сенк распавядае таксама пра сувязь паміж музыкай Шапэна і польскай дыпламатыяй:
-Мала хто ведае, што дом у Парыжы, дзе сваю сусветную кар'еру пачынаў калісьці Шапэн, цяпер зʼяўляецца рэзідэнцыяй амбасадара Рэспублікі Польшча.
gov.pl/эж