Украіна запатрабавала членства ў ЕЗ і НАТА

 «Мы не можам бясконца сядзець у зале чакання ЕЗ і НАТА», – заявіў кіраўнік дзяржавы Уладзімір Зяленскі.

Ukraińscy żołnierze w Donbasie

twitter.com/Defence of Ukraine

Украіна на фоне сцягвання расийскіх войскаў да яе межаў зноў заклікала надаць ёй членства ў Еўрапейскім Звязе і Паўночнаатлантычным альянсе. «Мы не можам бясконца сядзець у зале чакання ЕЗ і НАТА», – заявіў кіраўнік дзяржавы Уладзімір Зяленскі ў інтэрв'ю французскай газеце Le Figaro напярэдадні сустрэчы з канцлерам ФРГ Ангелай Меркель у пятніцу, 16 красавіка.

Раней міністр замежных спраў Украіны Дзмітрый Кулеба на прэс-канферэнцыі з кіраўнікамі МЗС краін Балтыі заявіў, што Масква «адкрыта пагражае Кіеву вайной і разбурэннем украінскай дзяржавы». «Чырвоная лінія для Украіны – наша дзяржаўная мяжа. Калі Расія пяройдзе гэтую рысу, яна пацерпіць», – дадаў Кулеба.

У сваю чаргу міністр замежных спраў Літвы Габрыэлюс Ландсбергіс пацвердзіў салідарнасць Захаду з Кіевам. «Украіна ніколі не застанецца адна», – запэўніў Ландсбергіс.

dw.com/эж