Спектр пытанняў, звязаных з сітуацыяй у непасрэдным суседстве ўсходняга флангу НАТА, абмеркавалі лідары часткі краін Паўночнаатлантычнага альянсу. Паўтарагадзінныя анлайн-кансультацыі далі магчымасць абмяняцца апошняй інфармацыяй аб дзеяннях Расіі і магчымых рэакцыях, сказаў прэзідэнт Анджэй Дуда:
- Сустрэча была чарговым этапам дыскусіі пра тое, як выглядае сітуацыя з бяспекай у рэгіёне. Зразумела мы размаўлялі не толькі пра Украіну, але таксама пра агульную сітуацыю на ўсходнім флангу НАТА, звязаную з дзеяннямі ўладаў Расіі і рухам расійскіх войскаў.
У канферэнцыі апрача Анджэя Дуды прынялі таксама ўдзел прэзідэнт ЗША Джо Байдэн, канцлер Германіі Олаф Шольц, прэзідэнт Францыі Эмануэль Макрон, прэм'ер-міністр Італіі Марыё Драгі, прэмʼер-міністр Вялікабрытаніі Барыс Джонсан, а таксама генеральны сакратар НАТА Енс Столтэнберг, кіраўнік Еўракамісіі Урсула фон дэр Ляен і прэзідэнт Еўрапейскага савета Шарль Мішэль.
У сваю чаргу на пятніцу прэзідэнт прызначыў пасяджэнне Савета нацыянальнай бяспекі. Апошнія два пасяджэнні савета адбыліся ў сакавіку 2020 года, яны тычыліся каранавіруса і антыкрызіснага шчыта.
IAR/аз