Прэзідэнт Турцыі Рэджэп Таіп Эрдаган заявіў, што яго краіна не пазітыўна ставіцца да ўступлення Фінляндыі і Швецыі ў NATO.
Ён патлумачыў, што прычынай, паводле яго слоў, стала ўтойванне курдскіх байцоў фінамі і шведамі.
«У нас няма станоўчага меркавання. Скандынаўскія краіны – гэта як пансіянат для тэрарыстычных арганізацый», – сказаў прэзідэнт Турцыі. Ён дадаў, што Турцыя зрабіла памылку, даўшы зялёнае святло на членства Грэцыі ў NATO ў 1952 годзе.
«Мы, як Турцыя, не хочам дапусціць другую памылку ў гэтым пытанні», – сказаў ён. Турэцкі лідар абвінаваціў скандынаўскія краіны ў прытулку членаў Рабочай партыі Курдыстана і крайне левага Рэвалюцыйнага фронту Народна-вызваленчай партыі.
І Швецыя, і Фінляндыя маюць намер уступіць у NATO. Прэзідэнт і прэм'ер-міністр Фінляндыі выступілі з дэкларацыяй аб гатоўнасці дзяржавы далучыцца да Альянсу. Швецыя павінна прыняць рашэнне па гэтым пытанні ў бліжэйшы час.
Турцыя зʼяўляецца членам Альянсу і можа накласці вета на далучэнне шведаў і фінаў.
IAR / вх