Генеральны штаб Узброеных сілаў Украіны паведаміў раніцай, што за апошнія суткі расійскія акупанты нанеслі 6 ракетных удараў і 28 авіяўдараў. Яны больш за 90 разоў абстралялі ўкраінскія вайсковыя і цывільныя абʼекты.
Прэс-сакратар Генштаба УСУ Аляксандр Штупун заявіў, што пацярпела інфраструктура ў больш чым у 30 населеных пунктах:
- Гэта, у прыватнасці, Харкаў, Дварычна, Камянка, Краснагораўка, Новаміхайлаўка, Няскучнэ, Успенаўка, Міралюбаўка, Білаеўка, Высокаполле і Мікалаеў. Праціўнік нанёс удары па грамадзянскіх абʼектах на ўзбярэжжы Запарожжа, а таксама па гарадах Чугуеў і Краматорск, дзе ёсць ахвяры сярод мірнага насельніцтва. Пагроза авіяўдараў і ракетных удараў захоўваецца па ўсёй тэрыторыі Украіны.
Украінская авіяцыя нанесла ўдары па 13 месцах групоўкі войскаў і баявой тэхнікі расійскіх акупантаў і па трох пазіцыях зенітных ракетных комплексаў. Акрамя таго, украінская супрацьпаветраная абарона збіла пяць беспілотных лятальных апаратаў і адзін верталёт Ка-52 праціўніка. Ракетныя войскі і артылерыя нанеслі страты больш чым двум сотням абʼектаў праціўніка. Сярод іх 12 блокпастоў, склады боепрыпасаў, гаруча-змазачных матэрыялаў, артылерыйскія пазіцыі. Страты праціўніка ўдакладняюцца, паведаміў Генштаб УСУ.
IAR /аз