Сумесную заяву апублікавалі члены Еўрапейскай рады. Прэзідэнт Расіі Уладзімір Пуцін агаласіў анексію акупаваных тэрыторыяў на поўдні і ўсходзе Украіны. Псеўдарэферэндум аб далучэнні ўкраінскіх зямель да Расіі пачаўся 23 верасня ў акупаваных Данецкай, Луганскай, Херсонскай і Запарожскай абласцях. Галасаванне па гэтым пытанні праходзіла пад ціскам выбарчай камісіі і пад дуламі расійскага войска, і працягвалася да 27 верасня.
«Мы ніколі не прызнаем незаконных рэферэндумаў, якія Расія прыдумала як падставу для далейшых парушэнняў суверэнітэту і тэрытарыяльнай цэласнасці Украіны, не прызнаем іх фальсіфікаваныя вынікі», – напісалі лідары 27-мі краін, а таксама кіраўнікі Еўрапейскай рады і Еўракамісіі. Яны заклікалі ўсе дзяржавы і міжнародныя арганізацыі адназначна асудзіць незаконную анексію ўкраінскай тэрыторыі.
IAR/яс