Раней крамлёўская прапаганда арганізавала сустрэчу Уладзіміра Пуціна з выбранай групай салдацкіх маці. Як даказалі незалежныя журналісты, запрошаныя жанчыны з'яўляюцца прыхільніцамі злачыннай палітыкі расійскага дыктатара, і падчас сустрэчы гучалі словы нянавісці да Украіны і заходняга свету.
Генеральная пракуратура запатрабавала заблакаваць профіль «Савета маці і жонак» у папулярнай у Расіі сацыяльнай сетцы.
Раней актывісты гэтай арганізацыі сабраліся ў Санкт-Пецярбургу перад штабам Заходняй вайсковай акругі, дзе зачыталі петыцыю да расійскіх уладаў.
Жанчыны патрабавалі пачатку перамоваў з Кіевам, адмовы ад прымянення ядзернай зброі і вываду навабранцаў з памежных з Украінай рэгіёнаў.
На думку незалежных аглядальнікаў, крамлёўскі рэжым баіцца такіх выступаў і таму ўзмацняе ўнутраныя рэпрэсіі супраць праціўнікаў вайны, каб не страціць кантроль над расійскім грамадствам.
IAR/яс