Калі Кіеў выкарыстае апошнія запасы ракет С-300, гэта дазволіць Расіі дамагчыся перавагі ў паветры, паведамляе Наша Ніва са спасылкай на Wall Streat Journall.
Паводле меркаваных дакументаў Пентагона, якія трапілі ў сацыяльныя сеткі, Расія можа здабыць кантроль над паветранай прасторай Украіны – ужо ў маі, бо ва Украіны заканчваюцца зенітныя ракеты.
Палкоўнік Юрый Ігнат, прэс-сакратар Паветраных сіл Украіны, сказаў, што не можа каментаваць дакладнасць інфармацыі на слайдах, якія трапілі ў СМІ. Аднак ён пацвердзіў, што СПА Украіны сутыкаюцца з дэфіцытам боекамплекту і што Украіне тэрмінова патрэбная дапамога ад саюзнікаў.
«Калі мы прайграем бітву за неба, наступствы для Украіны будуць вельмі сур'ёзнымі», – сказаў Юрый Ігнат.
Паводле сакрэтнага меркаванага слайда Пентагона ад 28 лютага, Украіна цалкам зрасходуе свой запас ракет «Бук» да 13 красавіка, а ракет С-300 – да 3 мая пры цяперашніх тэмпах выкарыстання.
яс