Зменшылася актыўнасць расіян у Бахмуце

У бліжэйшы час украінцы пачнуць контрнаступальныя дзеянні.

Данецкая вобласць, 26 мая 2023 г.

PAP/EPA/OLEG PETRASYUK

У Бахмуце вораг зменшыў інтэнсіўнасць штурму. Магчыма, гэта звязана з ратацыяй расійкіх войскаў. Між тым, украінскае камандаванне заявіла аб маючым адбыцца контрнаступленні на лініі фронту.

Паводле аналітыкаў з амерыканскага Інстытуту даследаванняў вайны, інтэнсіўнасць расійскіх нападаў у Бахмуце значна зменшылася, што стварае магчымасці для ўкраінцаў. Верагодна з горада былі выведзеныя вагнераўцы. Аднак, на думку ўкраінцаў, такія паведамленні могуць быць элементам расійскай дэзынфармацыі.

У той жа час камандуючы Сухапутнымі войскамі Узброеных сіл Украіны генерал Аляксандр Сырскі сустрэўся з камандзірамі частак, якія ваююць на Лыманскім участку фронту – адным з самых гарачых кірункаў баявых дзеянняў. Як паведамлялася, генерал Сырскі заявіў, што ў бліжэйшы час украінцы пачнуць контрнаступальныя дзеянні.

IAR/аз