Першым клубам Польшчы, які падтрымаў беларускае змаганне, стала Legia Warszawa.
Дзякуючы ініцыятыве заўзятараў гульцы Legia Warszawa на пачатку красавіка разміналіся перад хітовым матчам з Pogoń Szczecin у футболках з надпісам: «Салідарныя са свабоднымі беларускімі спартсменамі».
У апошні аўторак 20 лрасавіка футбалісты каманды Lech Poznań з'явіліся на размінцы перад матчам чэмпіянату Польшчы з Lechia Gdańsk таксама ў футболках з такім жа надпісам «Салідарныя з вольнымі спартоўцамі Беларусі».
«Акцыя накіравана на прыцягненне ўвагі да павелічэння маштабу рэпрэсій з боку беларускіх улад і абмежаванне альбо поўнае выключэнне магчымасці займацца прафесійным спортам», – напісана на сайце каманды Legia Warszawa.
Польскія футбалісты выступаюць супраць пераследу беларускіх атлетаў з уласнай палітычнай і грамадзянскай пазіцыямі.
Legia Warszawa i Lech Poznań – вядучыя клубы Польшчы. У леташнім чэмпіянаце Польшчы познаньскі клуб заваяваў срэбра, а варшаўскі золата.
яс