На грэчаскім востраве Сірас працягваецца пленэр для польскіх мастакоў. Мерапрыемства праходзіць раз у два гады, а яго арганізатарам з'яўляецца езуіт Станіслаў Глаз (Stanisław Głaz). У пленэры ўдзельнічаюць як вядомыя жывапісцы, так і мастакі-пачаткоўцы. Першае гэткае мерапрыемства адбылося амаль 30 гадоў таму.
Малгажата Зофія Мацьковяк (Małgorzata Zofia Maćkowiak), якая ў пленэры ўдзельнічае ўжо трэці раз, кажа пра ўнікальны характар падзеі.
„За трыццаць гадоў у майстэрнях удзельнічалі каля 300 мастакоў з усяе Польшчы. Некаторыя з іх увекавечылі гэтае месца ў сваіх працах”.
Пленэр праходзіць у мястэчку Пасідонія, у гістарычнай рэзідэнцыі, якая належыць каталіцкаму касцёлу.
У гэтым годзе ў двух турах прымуць удзел больш за 50 жывапісцаў. Пазней у Польшчы будзе арганізаваная выстава працаў удзельнікаў пленэру.
аз