Польская авіякампанія LOT разглядае магчымасць узнаўлення рэйсаў у ЗША, паведаміла прэс-служба авіялініяй. Пры прыняцці рашэння будзе ўзятая пад увагу эпідэміялагічная сітуацыя ў Амерыцы і абмежаванні, уведзеныя ў барацьбе з каранавірусам. Пакуль што ў ЗША могуць уязджаць грамадзяне гэтай краіны, іх сем'і і іншаземцы, якія пастаянна пражываюць на тэрыторыі дзяржавы.
Унутраныя рэйсы авіякампанія LOT пачала выконваць у чэрвені. З 1 ліпеня самалёты перавозчыка лётаюць у Амстэрдам, Берлін, Брусель, Будапешт, Бухарэст, Дзюсельфорд, Кіеў, Прагу, Таронта і Вільню. З 3 ліпеня – у Сеул і Токіа.
З 15 ліпеня лайнеры LOT паляцяць з Варшавы ў Франкфурт, Жэневу, Гамбург, Капенгаген, Лондан, Львоў, Мілан, Мюнхен, Адэсу, Парыж, Сафію, Штутгарт і Цюрых. З 16 ліпеня – у Любляну, Мадрыд, Рыгу, Талін і Заграб.
Урад Польшчы адмяніў з 1 ліпеня забарону на авіяспалучэнні з шэрагам краін, у прыватнасці, з Чарнагорыяй, Грузіяй, Японіяй, Канадай, Албаніяй, Паўднёвай Карэяй і Украінай.
вс