Развіццё медычных навук і досыць хуткае асэнсавання небяспекі вірусаў усыпіла пільнасць навукоўцаў, якія даследавалі і адкрывалі новыя мікраарганізмы, чытаем у Dziennik Gazeta Prawna. Вінаватыя ў тым таксама дзяржавы і міжнародныя арганізацыі, якія за часы спакойнага, безвіруснага жыцця пачалі вылучаць менш грошай на розныя праекты звязаныя з выяўленнем пагрозаў.
Паводле сённяшніх меркаванняў, наступная пандэмія таксама пяройдзе на чалавечы свет з жывёльнага. Усе новыя, небяспечныя хваробы, якія за апошнія гады атакавалі насельніцтва ў розных частках свету, былі звязаныя з дзікімі жывёламі. У Кітаі, дзе індустрыялізацыя за апошнія тры дзесяцігоддзі набрала неверагодных тэмпаў пагроза пераносу віруса з кажана на чалавека з’явілася даўно. Жывёлы, якія звычайна жывуць у лясах прыстасаваліся да гораду, адначасова пераносячы невядомыя раней хваробы ва ўрбанізаванае асяроддзе.Падобна сітуацыя выглядае ў Заходняй Афрыцы, дзе ў выніку карчавання дрэў мышы з віду Mastomys пачалі распаўсюджваць вірус ліхаманкі Ласа ў людскіх пасяленнях, куды прайшлі пасля знішчэння іх натуральнага асяроддзя – лесу.
СААЗ мае адмысловы спіс патэнцыйна небяспечных, эпідэміягенных хваробаў. Сярод іх вылучаюцца, узгаданая раней Ласа, Эбола, Зіка і Ніпа. Апошні выпадак клапоціць навукоўцаў найбольш. Ён можа перайсці на чалавека з кажана, але былі выяўлены выпадкі пераносу віруса са свінні на чалавека. Вірус аднак распаўсюджваецца вельмі павольна, бо яго смяротнасць вельмі высокая і пакуль носьбіт паспее заразіць іншых, хутчэй за ўсё, ён памрэ.
Каранавірус паспрыяў зацікаўленню папярэджвання новых патэнцыйна небяспечных вірусаў. Дзяржавы і фонды зацікаўлены ў тым, каб выкрыць магчымую пагрозу раней, чым яна распаўсюдзіцца. Яны гатовы выдаткаваць на гэта мільярды долараў. Адзін каранавірус, паводле Міжнароднага валютнага фонда, каштаваў сусветнай эканоміцы 28 трыльёнаў долараў, чытаем у Dziennik Gazeta Prawna.
аев