У фан-зоне Нацыянальнага стадыёна ў Варшаве можна атрымаць прышчэпку супраць каранавіруса

Ахвотных прышчапіцца ў фан-зоне чакаюць 10 тысяч доз вакцыны Johnson&Johnson.

Stadion Narodowy

Foto: shutterstock.com/ArtMediaFactory

Без папярэдняй рэгістрацыі кожны можа сёння, 19 чэрвеня зрабіць прышчэпку супраць COVID-19 на Нацыянальным стадыёне ў Варшаве. З 10.00 у фан-зоне працуе мабільны пункт вакцынацыі. Намеснік міністра аховы здароўя Ганна Галаўская заклікае заўзятараў скарыстацца магчымасцю і зрабіць прышчэпку:

-Вакцынацыя адбываецца паводле адпаведнай працэдуры. Пацыент запаўняе анкету і атрымлівае прышчэпку. Паколькі тут робім прышчэпкі без папярэдняй рэгістрацыі, вакцынацыя адбываецца аднаразовым прэпаратам Johnson & Johnson.

Ахвотных прышчапіцца ў фан-зоне чакаюць 10 тысяч доз вакцыны Johnson & Johnson. Аматары футбола змогуць увечары ў фан-зоне паглядзець матч Іспанія-Польшча. Для ўваходу ў фан-зону Нацыянальнага стадыёна неабходна спампаваць спецыяльны бясплатны квіток з сайта www.strefakibica.com, стадыён будзе адкрыты з 18.30, а трансляцыя матчу Іспанія-Польшча пачнецца ў 20.45.

Мабільны пункт вакцынацыі таксама будзе працаваць і заўтра. Каб атрымаць прышчэпку пры сабе неабходна мець дакумент, які пацвярджае асобу, а таксама медычнае накіраванне.

iar/эж