«Вялікі попыт на цукар выклікаў дэфіцыт на паліцах крамаў, а разам з тым і рост цэнаў», – паведаміў PAP намеснік міністра сельскай гаспадаркі і развіцця вёскі Рышард Бартосік. «Цукру ў нас дастаткова, сітуацыя нармалізуецца», – запэўніў палітык.
Намеснік міністра паведаміў, што ў 2021/2022 у Польшчы было выраблена 2,3 мільёна тон цукру – гэта амаль 16%.больш, чым у папярэднія гады. «Атрыманы аб'ём вытворчасці цукру стаў другім за апошняе дзесяцігоддзе», – адзначыў Бартосік. Палітык дадаў, што патрэба ўнутранага рынку складае каля 1,7 млн тон. «Гэта значыць, што цукровая прамысловасць у Польшчы вырабляе цукру прыкладна на 300-600 тысяч тон больш, чым унутранае спажыванне», – падкрэсліў ён.
Намеснік міністра прызнаў, што ў летні сезон заўсёды павышаны попыт на цукар, паколькі і перапрацоўчыя прадпрыемствы, і насельніцтва выкарыстоўваюць большыя абʼёмы цукру на кансервы. У Міністэрстве сельскай гаспадаркі таксама звярнулі ўвагу на структуру продажаў гэтай прадукцыі. У Польшчы пераважная большасць вырабленага цукру прадаецца як сыравіна для перапрацоўкі, а невялікі адсотак ідзе ў розніцу – каля 20%.
pap/эж