Міністр замежных справаў Збігнеў Раў адзначае, што свет усё лепш разумее, хто ва Украіне агрэсар, а хто ахвяра. На працягу апошняга тыдня кіраўнік польскай дыпламатыі сустракаўся ў ААН у Нью-Ёрку з палітыкамі з-за межаў Еўропы і тлумачыў сітуацыю ва Украіне.
Перамовы польскага міністра, а таксама яго еўрапейскіх калег праводзяцца, каб супрацьстаяць расійскай прапагандзе, якая пашыраецца ў Афрыцы, Азіі і Паўднёвай Амерыцы.
У інтэрв'ю Польскаму радыё міністр Збігнеў Раў сказаў, што працэс пераконвання цяжкі, але ўжо дае плён.
- Дастаткова згадаць рэакцыю Індыі – мы заўважым змены з стаўленні. Пазіцыя Індыі больш стрыманая – у ёй падкрэсліваецца, што гэтая вайна парушае фундаментальныя асновы міжнароднага парадку.
Міністр Збігнеў Раў ужо завершыў візіт у Нью-Ёрк, а бліжэйшыя некалькі дзён правядзе ў Вашынгтоне.
IAR PR/нг