Латвія ўсё ж не плануе купляць энергію ў АЭС, якую беларусы будуюць у Астраўцы. Спікер Сейма Латвіі Віктарас Пранцкеціс абвясціў, што такая заява прагучала з вуснаў кіраўніка латвійскага ўраду Артурса Крыш’яніса Карыньша.
Нагадаем, пра тое, што Латвія намерваецца купляць энергію ў Беларусі на мінулым тыдні паведамлялі літоўскія СМІ. Паводле іх, латышы мелі намер гандляваць электраэнергіяй праз сваю мяжу ў той час, калі Літва прыпыніла б падобныя здзелкі. Гэта азначала б, што электраэнергія з Астравецкай АЭС трапіла б на агульны рынак.
Літоўцы - праціўнікі беларускай электрастанцыі, якая ўзнікае ўсяго за 50 кіламетраў ад Вільні. Два гады таму літоўскі парламент прыняў закон, у якім гаворыцца, што беларуская АЭС пагражае нацыянальнай бяспецы і жыхарам Літвы.
Першы энергаблок у Астраўцы павінен быць уведзены ў эксплуатацыю да канца гэтага года.
аз