Міністры замежных спраў краін ЕС сустракаюцца сёння ў Бруселі, каб абмеркаваць адносіны з Турцыяй, Венесуэлай і сітуацыю ў Ганконгу.
Гэта першая сустрэча міністраў Еўрасаюза ад пачатку пандэміі. З сярэдзіны сакавіка сустрэчы праходзілі толькі ў выглядзе відэаканферэнцый. У сувязі з паляпшэннем эпідэмічнай сітуацыі ў Еўропе было вырашана, што асабістыя сустрэчы могуць быць адноўлены, але пры захаванні больш жорсткага санітарнага рэжыму.
Міністры вернуцца да перадпандэмічных размоў пра напружаныя адносіны з Турцыяй. У той час Брусель раскрытыкаваў Анкару за адкрыццё яе межаў і заахвочванне бежанцаў з Сірыі і Блізкага Усходу перасякаць мяжу з Грэцыяй.
Міністры таксама будуць гаварыць пра адносіны ЕС з Венесуэлай. Нагадваем, пасля пашырэння санкцый ЕС прэзідэнт Нікалас Мадура спачатку выкінуў з краіны кіраўніка дэлегацыі ЕС, пазней адмяніў гэтае рашэнне.
Адной з тэм сустрэчы таксама з'яўляецца сітуацыя ў Ганконгу, дзе Кітай увёў закон аб нацыянальнай бяспецы з парушэннем аўтаноміі рэгіёну.
аз