Адзін з самых папулярных расійскіх кінаакцёраў выказаў салідарнасць з беларускімі пратэстоўцамі. У блогу «Эхо Москвы» Даніла Казлоўскі раскрытыкаваў беларускія ўлады за жорсткі разгон мірных дэманстрацый.
«Божа, каб больш крыві не было праліта», - напісаў расійскі актор. Даніла Казлоўскі дадаў, што тое, што зараз адбываецца ў Беларусі, «моцна закранае нават тых, хто далёкі ад палітыкі». «На вуліцах гэтай цудоўнай краіны адбываецца крывавы тэрор, задача якога: напалохаць, заткнуць рот, шакіраваць», - лічыць расійскі актор. Ён дадаў, што супраць машыны тэрору выступаюць звычайныя людзі, якія не баяцца выходзіць на вуліцы.
«Мірная, добрая нацыя! Беларусь - ты цудоўная!» - пісаў Даніла Казлоўскі.
Між тым у Маскве перад беларускай амбасадай паліцыя двойчы не дапусціла да правядзення дэманстрацыі салідарнасці з Беларуссю. Як паведамляе сайт OWD-Info, які сачыць за затрыманнямі ў Расіі, функцыянеры затрымалі трох кіраўнікоў акцый: Віктара Карповіча, Аляксея Дзямідава і Яўгена Нарожнага.
аз