Гаворка ідзе пра расійскіх спартсменаў, антыдопінгавыя пробы якіх маглі быць падробленымі. У дзень адкрыцця летніх Алімпійскіх гульняў у Токіо расійскія СМІ паведамілі, што гаворка ідзе пра 600 пакетаў дакументаў з маскоўскай лабараторыі.
Сусветнае антыдопінгавае агенцтва на падставе папярэдніх паведамленняў пакарала зборную Расіі дыскваліфікацыяй. Спартсмены, дапушчаныя да Алімпіяды, выступаюць пад нейтральным сцягам, а Расія не мае права прымаць спаборніцтвы ў рангу чэмпіянатаў свету.
Як паведамляе радыё "Эхо Москвы", Сусветнае антыдопінгавае агенцтва перадало спартыўным федэрацыям чарговы пакет дакументаў на экспертызу. Матэрыялы былі сабраны ў 2019 годзе і паступілі з маскоўскай лабараторыі. На іх аснове федэрацыі будуць прымаць рашэнні адносна асобных гульцоў, чые імёны фігуруюць у дакументах.
Раней эксперты Сусветнага антыдопінгавага агенцтва пастанавілі, што антыдопінгавыя тэсты ў Расіі былі сфальсіфікаваныя і ў гэтым удзельнічалі спартсмены, дзеячы спорту ды чыноўнікі.
ПР/юл