«Мы, прэзідэнты Польшчы, Літвы, Латвіі і Эстоніі, выказваем занепакоенасць гістарычным рэвізіянізмам, што адбываецца ў Расіі, і ў прыватнасці магчымасцю закрыцця таварыства «Мемарыял», – чытаем у заяве прэзідэнтаў Польшчы, Літвы, Латвіі і Эстоніі ў дачыненні да арганізацыі «Мемарыял».
Прэзідэнт Польшчы Анджэй Дуда, прэзідэнт Літовы Гітанас Наўседа, а таксама прэзідэнт Латвіі Эгіос Левітс і прэзідэнт Эстоніі Алар Карыс выступілі ў чацвер, 26 лістапада з заявай у абарону Міжнароднага гісторыка-асветніцкіага, праваабарончаага і дабрачыннага таварыства «Мемарыял», нацыянальныя лідары асудзілі гістарычны рэвізіянізм Расіі.
У сваё заяву прэзідэнты нагадалі, што «Мемарыял» з'яўляецца адной з найстарэйшых незалежных арганізацый, якія займаюцца абаронай правоў чалавека ў Расіі і дакументуюць сталінскія злачынствы на ўсёй тэрыторыі былога Савецкага Саюза. «Мы вельмі цэнім самаадданасць і рашучасць супрацоўнікаў «Mемарыяла» ва ўшанаванні памяці ахвяр савецкіх злачынстваў, учыненых супраць польскага, літоўскага, латвійскага і эстонскага народаў, а таксама супраць мільёнаў рускіх, украінцаў і прадстаўнікоў іншых нацыянальнасцяў».
Прэзідэнты таксама адзначылі, што яны «поўныя падзякі за працу грамадзян Расіі, якія гатовыя распавесці ўсю праўду аб нязручнай гісторыі і парушэнні правоў чалавека таталітарнымі рэжымамі».
У Маскве пачаўся працэс ліквідацыі «Мемарыяла». Вярхоўны суд разглядае заяву Генпракуратуры РФ, якая абвінавачвае абʼяднанне ў парушэнні закона аб «замежных агентах». На думку кіраўніцтва «Мемарыяла», абвінавачванні беспадстаўныя і палітычна матываваныя.
pap/эж