Пасольства Польшчы пры Еўрасаюзе ў Бруселі сёння ў трэці раз ператварылася ў пункт вакцынацыі ад COVID-19 для палякаў ды іх сем'яў. Пастаяннае прадстаўніцтва арганізуе акцыю ў супрацы з Урадавым цэнтрам бяспекі.
«Да ўдзелу ў вакцынацыі запрошаныя польскія грамадзяне, якія працуюць у еўрапейскіх установах, польскія настаўнікі, духавенства і сёстры з Польскай каталіцкай місіі, дыпламаты з польскага пасольства ў Бруселі, а таксама з дыппрадстаўніцтваў Францыі, Нідэрландаў і Люксембурга, сем’і польскіх дыпламатаў, у тым ліку сем’і супрацоўнікаў НАТА», – сказаў Польскаму радыё пасол Польшчы пры Еўрасаюзе Анджэй Садась (Andrzej Sadoś).
Упершыню Пастаяннае прадстаўніцтва Польшчы пры Эўрасаюзе было пераўтворана ў пункт вакцынацыі ў пачатку траўня, а пазней у ліпені. Пасол паведаміў, што акцыя карыстаецца вялікай папулярнасцю.
IAR PR